 |
 |
ORDENANZA DE CEMITERIOS MUNICIPAIS, CONDUCCIÓN DE CADÁVERES E OUTROS SERVICIOS FÚNEBRES DE CARÁCTER MUNICIPAL
FUNDAMENTO LEGAL E OBXECTO. Exercitando a facultade recoñecida no artigo 106 da lei 7/1985 do 2 de abril, e ao amparo dos artigos 199 b) e 212.17 do R.D. Lexislativo 781/1986, do 18 de abril, establécese, neste termo municipal,unha Taxa sobre o servicio de cemiterios municipais. 1- Feito impoñible.- Constitúeo a prestación dos servicios funerarios que se detallan na tarifa desta exacción. As sepulturas temporais concederanse por un prazo de cinco anos e as permanentes por cincuenta, nun e outro caso poderán ser renovadas, de acordo coas disposicións legais vixentes e Ordenanzas municipais no momento da caducidade . Transcorridos os prazos sen que soliciten renovación entenderanse caducadas. Os restos cadavéricos que se atopasen nelas serán trasladados a fosa común e revertirán ao Concello os dereitos sobre tales sepulturas. Artigo 7º.- Os adquirentes de dereitos sobre sepulturas permanentes terán dereito a depositar nas mesmas todos os cadáveres ou restos cadavéricos que desexen, pero suxeitándose sempre ás regras establecidas para cada caso e previo pago dos dereitos correspondentes . Artigo 8°. - Tódolos traballos necesarios para efectuar os enterramentos, inhumacións, exhumacións, colocación de lápidas, construcción de fosas e mausoleos, etcétera, serán a cargo dos particulares interesados. Os dereitos de sepulturas temporais e permanentes serán concedidos polo señor Alcalde e os panteóns ou mausoleos polo Pleno do Concello. As fosas adquiridas con carácter permanente serán construídas de acordo coas disposicións que ao efecto fixen os técnicos municipais e o seu custo será a cargo particular interesado. En caso de adquirir algunha fosa xa construída polo Concello, ademais dos dereitos de compra deberá aboarse a suma que naquel momento importe a construcción doutra igual. No caso de pasar a permanentes sepulturas temporais,previa autorización da Alcaldía, os dereitos a satisfacer serán a diferenza entre os pagos pola sepultura temporal e o importe da permanente, segundo a tarifa vixente naquel Os párvulos e fetos que se inhumen en sepulturas de adultos pagarán os dereitos como adultos. Toda clase de sepultura, panteón ou mausoleo que por calquera causa, quedase vacante reverte a favor do Concello. Todo concesionario de terreo para a construcción de panteóns ou mausoleos terá que efectuar o seu pago dentro dos trinta días seguintes á data na que se acorde polo Concello a concesión, e se non o efectuou entenderase renuncia a todo dereito sobre o que no seu día solicitouse e foille concedido. O concesionario de terreos para panteóns ou mausoleos ven obrigado a obter a correspondente licencia de obras dentro dos seis meses a partir da data da concesión e dar comezo ás obras dentro dos tres meses de expedida aquela. Finalizado o tempo dun ano sen que o interesado dese comezo ás obras ou transcorrido o prazo concedido polo Concello para a súa terminación, entenderase que renuncia a todo dereito, revirtindo novamente o terreo ó concello, con perda das cantidades aboadas e o invertido nas obras realizadas. Artigo 16°.- Non serán permitidos os traspasos de propiedade funeraria sen a previa aprobación polo Pleno do Concello, debendo interesarse o traspaso mediante solicitude dirixida o señor Alcalde, firmada polo cedente e o concesionario en proba de conformidade. Non obstante, todos os traspasos que autorice o Concello entenderanse sen prexuízo de terceiros, é dicir, so a efectos administrativos. Artigo 17°.- Quedan recoñecidas as transmisións de sepulturas, durante o prazo da súa vixencia, por título de herdanza- Os herdeiros terán que poñerse de acordo para designar, de entre eles, a persoa a cuio favor expedirase o novo título funerario. Será condición precisa que os solicitantes aporten, ao formular a petición de traspaso, a documentación na que funden os seus dereitos e pago dos impostos correspondentes. Artigo 18º.- Cando as sepulturas, panteóns, mausoleos e, en xeral, tódolos lugares dedicados a enterramentos sexan descoidados e abandonados polos seus respectivos concesionarios ou familiares ou deudores, dando lugar a que se atopen en estado de ruína, cos conseguintes perigos e mal aspecto, o Concello poderá proceder á demolición no primeiro caso e á retirada de cantos atributos e obxectos se atopen deteriorados e abandonados, no segundo, sen que en ningún dos dous supostos poda esixírselle indemnización algunha. Artigo 19°.- As cotas e recibos que, practicadas as operacións regulamentarias , resultasen incobrables precisarán acordo expreso do Concello para ser declaradas erradas e definitivamente anuladas. EXENCIÓNS. Artigo 20°.- Estarán exentos de pago os dereitos de enterramentos na fosa temporal das familias pobres de solemnidade que falezan no municipio, e con carácter permanente os que obtivesen o título de fillos adoptivos ou predilectos do municipio e os falecidos nos actos de defensa da orde pública, persoas e bens do municipio. INFRACCIÓNS E DEFRAUDACIÓN. Artigo 21º.- En todo o relativo a infraccións, as súas distintas calificacións, así como as sancións que as mesmas poidan corresponder, e o procedemento sancionador estarase o que dispón a Ordenanza Xeral de Xestión, Recadación e Inspección deste Concello e subsidiariamente a Lei Xeral Tributaria, todo elo sen prexuízo de en cantas outras responsabilidades civís o penais poidan incorrer os infractores. VIXENCIA A presente Ordenanza comezará a rexer dende a súa publicación íntegra no BOP de Ourense, e permanecerá vixente, sen interrupción en canto non se acorde a súa modificación ou derogación. APROBACIÓN A presente Ordenanza foi aprobada polo Pleno deste Concello con data de 10 de outubro de 1988. Ribadavia, 9 de Xaneiro de 1989.- O ALCALDE- O SECRETARIO ACCTAL. |
|
Concello de Ribadavia |