Un percorrido cheo de sorpresas onde destacan o Castelo do Sarmiento, o Barrio Xudeo, os museos e as numerosas igrexas de diferentes épocas e estilos. Un canto de pedra amparado por un variado paisaxe de viñedos e riachuelos de suxerente contemplación, que convirten a Ribadavia nun museo vivo cheo de contrastes e historia.

A eficacia dos servizos municipais está directamente vencellada á súa proximidade, á súa transparencia e á facilidade para que o cidadán conte, en todo momento, coa información e apoio necesarios para resolver os seus trámites e para atopar pronta resposta ás súas reclamacións e queixas.

Aínda que a estrutura administrativa municipal pode resultar complexa, o noso deber é que para o cidadán sexa tan clara como accesíbel, tan próxima como eficaz. Neste senso dedicamos un grande esforzo a ampliar e mellorar os servizos de atención á cidadanía, tanto dos directos como dos remotos que permiten as novas tecnoloxías, especialmente internet.

Este é o propósito da nova páxina web, que ofrecerá paulatinamente un maior caudal de información sobre os distintos servizos municipais e a posibilidade de realizar diversos trámites, xestións e consultas administrativas a través da rede.

Queremos tamén que a web municipal sexa unha canle aberta para expresar e recoller as súas opinións, as súas suxestións e as súas propostas que, de seguro, enriquecerán a nosa percepción dunha vila tan plural, dinámica e singular como Ribadavia.

Neste contexto, o Concello de Ribadavia márcase o reto de dixitalizar os seus servizos e camiñar con pasos firmes na sociedade da información. Proba disto é a web que estás a visitar. Como Alcalde de Ribadavia invito a todos os cibernautas a adentrarse nesta web e coñecer os pormenores do noso Concello.

Marcos Blanco Jorge, Alcalde do Ilmo. Concello de Ribadavia.